Білімді жастар - еліміздің ертеңгі болашағы
Қазақстанның жастары - елдің басты байлығы. Еліміздің үміті, жарқын болашағы – жастар. Сондықтан жастарға зор үміт артып отыр. Сонымен қатар жастардың замана талабына сай білім деңгейі де жылдан-жылға жоғарылауда. Қазіргі кезде шетелде білім алып, сол білімді жас шәкірттерге үйретіп жатқан мамандар жетерлік. Жастар жылы - жастардың өзін дамытуына үлкен мүмкіндік. Оған дәлел - мектеп оқушыларына, ЖОО-студенттеріне білім алуға берілген үлкен мүмкіндіктер. Биыл 2022 жылы мемлекет тарапынан 73 мың грант бөлінді.
Студенттердің степендиясы екі есе артты. Ұлттық бірыңғай тестілеуді екі рет тапсыруға да мүмкіндік берді. Мемлекеттен берілген осындай жақсы мүмкіндіктерді қалайша дұрыс пайдаланбасқа?
Мемлекет тарапынан барлық жағдай жасалып отыр, оны енді одан әрі дамыту біздерге, яғни жастарға, байланысты. Қай заманда болмасын, қоғамның қозғаушы күші - жастар. Бүгінгі күнде жастар қоғамның алға тартар қозғаушы күші ретінде озық идеялармен біліммен қаруланып, еліміздің дамуына үлес қосуда. «Заманауи әлемде елдің қуаты ең алдымен азаматтарының білімімен өлшенеді», - деп Президентіміз айтпақшы, білімді үйреніп қана қоймай, басқаларға да сіңіруге атсалысу керек. Биылғы 2022 жылдың түлектеріне өте жақсы мүмкіндіктер берілді.
Ол мүмкіндікті жақсы пайдаланып жатқандар да аз емес. Ұлттық тестілеуден биылғы түлектердің 67% шекті балл жинап, 211 түлектің білім көрсеткіші 130 баллдан асты. Бұл көрсеткіш 2021 жылға қарағанда жаман емес. Жастарымыз мықты болып өсіп өркендеуде. Осының бәрі мемлекеттен берілген мүмкіндіктің арқасы, сол арқылы жастарымыз жақсы нәтиже көрсетуде. Осындай зор мүмкіндіктер үшін жастарымыз зор алғыс айтады.
