Білім саласына бір жылда 200 миллиард теңгеден астам инвестиция салынды

Негізгі инвестицияның 72%-і бюджет қаражаты есебінен болған.

Осы жылдың басынан қыркүйекке дейін білім саласына 219,1 миллиард теңге инвестиция тартылды, деп хабарлайды Almaty-akshamy.kz Finprom.kz-ке сілтеме жасап.

Бұл бір жыл бұрынғыдан 49,2%-ке артық. Өңірлер арасында ең көп инвестицияға Алматыға құйылды: 61,7 миллиард теңге, бір жылдағы өсім – 2,3 есе. Одан кейін Түркістан облысы (33,9 миллиард теңге, 67,8%-ке артық) және Шымкент қаласы (22,3 миллиард теңге, 20,3%-ке артық) тұр. Үздік үштікке енген өңірлерге салынған инвестицияның жалпы көлемі 53,8%-ті құрады.

Бұл рейтингте Ұлытау, Қарағанды ​​және Ақтөбе облыстары төменгі сатыда тұр.

Білім саласына құйылған негізгі инвестицияның үштен екісіне жуығы жергілікті бюджет есебінен қамтамасыз етілді: 136,5 миллиард теңге – бір жыл бұрынғыдан 64,9%-ке артық.

Мекемелердің өз қаражаты есебінен құйылған инвестиция 51,6 миллиард теңге (+38,2%), республикалық бюджеттен – 21,8 миллиард теңге (+22,3%), банк кредиттері – 6,5 миллиард теңге (+25,8%), банктік емес қарыздар – 2,8 миллиард теңгені (- 27,6%) құрады.