Биыл шетелдіктердің қатысуымен 45 жоба пайдалануға беріледі
Биыл «KAZAKH INVEST» қолдауымен жалпы сомасы 4,1 миллиард долларға шетелдіктердің қатысуымен 45 жоба пайдалануға беріледі.
Бұл туралы Премьер-Министр Әлихан Смайыловтың төрағалығымен өткен «KAZAKH INVEST» Ұлттық компаниясы Директорлар кеңесінің кезекті отырысына айтылды, деп хабарлайды Almaty-akshamy.kz.
Сондай-ақ жиында 2023-2027 жылдарға арналған іс-шаралар жоспары, Корпоративтік басқару кодексінің жобасы және Директорлар кеңесіне есеп беретін қызметтердің кейбір мәселелері қаралды. Осы жылдың 11 айының қорытындысы бойынша шетелдік компаниялар үшін өңірлерде 212 іс-сапар ұйымдастырылған. Бұдан бөлек, 13 ірі инвестициялық іс-шара өткізілді.
