Биыл елімізде шетел валютасын сатып алушылар көбейген

Биыл елімізде шетел валютасын сатып алушылар көбейген
Сурет: Mk.ru

Қазақстандықтар 11 айда 431 млрд теңгеге шетел валютасын сатып алған

2021 жылғы қарашада ел тұрғындары нетто-негізде 431 млрд теңгеге балама қаржыға қолма-қол шетел валютасын сатып алды. Бұл туралы Ұлттық банктің баспасөз қызметі мәлім етті, деп хабарлайды Almaty-akshamy.kz 

Өткен аймен салыстырғанда, шығыстар 1,5 есе ұлғайды (2021 жылғы қазандағы көрсеткіш – 294,5 млрд теңге), 2020 жылдың осы кезеңіне қарағанда (283,7 млрд теңге) нетто-сатып алу көлемі 1,5 есе өскен. 

«Шығыстың негізгі көлемі – 68,6% немесе 295,5 млрд теңге – доллардың, 20,6% немесе 88,8 млрд теңге – Ресей рублінің үлесінде, 10,8% немесе 46,4 млрд теңге – еуроны сатып алуға бағытталды», - делінген хабарламада.

Бір айда долларды сатып алу шығысы 1,6 есе, рублді сатып алу – 23,0%, еуроны сатып алу шығысы 37,5% өскен.