Биыл 2 мың бала тегін ұшады
Kids Go Free бағдарламасы арқылы бірінші жылдың қорытындысы бойынша 1 500 бала тегін ұшты.
Бұл туралы Мәдениет және спорт министрі Асхат Оралов Үкімет отырысында айтты, деп хабарлайды Almaty-akshamy.kz.
«Балалармен қолайлы отбасылық демалысты ынталандыру мақсатында министрлік 2022 жылдан бастап турпакет құрамында балалар авиабилетін субсидиялау бағдарламасын іске асырып жатыр. Бағдарлама негізінде бірінші жылдың қорытындысы бойынша турпакет құрамында 1 500 бала тегін ұшты. Биыл біз осы бағдарламаны іске асыруды жалғастырамыз, 2 000-нан астам бала қамтылады деп жоспарланып отыр»,- деді министр.
