Бейжің Олимпиадасының ашылу салтанатын еліміздің үш телеарнасы көрсетеді

Бейжің Олимпиадасының ашылу салтанатын еліміздің үш телеарнасы көрсетеді
metaratings.ru

4 ақпанда Бейжіңде XXIV Қысқы Олимпиада ойындарының ашылу салтанаты өтеді. Олимпиаданың ашылу салтанаты «Құстың ұясы» ұлттық стадионында өтеді, деп хабарлайды Аlmaty-akshamy.kz

Қазақстанда бұл шараның тікелей трансляциясын үш телеарна – «Хабар», «Qazsport» және «Qazaqstan» ұйымдастырады. Ол Нұр-Сұлтан уақытымен 17:55-те басталады. Қазақстанның ашылу салтанатында шорт-трекші Абзал Әжғалиев пен конькиші Екатерина Айдова Ту ұстайды.

Бейжіңдегі Олимпиада ойындары 4-20 ақпан аралығында өтеді. Спортшылар 109 медаль жиынтығын сарапқа салады. Бұл жарыстарға Қазақстан құрамасы 34 спортшымен қатысуда. Отандық спортшылар Олимпиаданы 3 ақпанда бастады. Алғашқы болып фристайлшылар шықты. Ерлер мен әйелдер арасындағы іріктеу қорытындысы бойынша қазақстандықтардың ешқайсысы бірінші әрекетте финалға шыға алмады (екінші іріктеу 5 және 6 ақпанда өтеді).