Беттегі макияжды жумай ұйықтаудың зияны қандай?

Бет терісін күту жөнінде маман кеңесі

Дерматовенеролог Полина Колчева ұйықтар алдында міндетті түрде макияжды жуып, бетіңізді жуып жату қажет екенін айтты. РИА Новостиге берген сұхбатында ресейлік маман бетке дұрыс күтім жасамаса немесе жеткіліксіз күтімнің салдарынан теріде бөртпелер пайда болуы мүмкін екенін айтты.

Сарапшы ұйқыға жатпас бұрын косметиканы жуып тастап, түнде жеңіл крем қолдануға кеңес берді, деп хабарлайды Almaty-akshamy.kz РЕН-тв cайтына сілтеме жасап. 

«Алайда, теріні тым жиі күту де теріге жақпайды, өйткені ол өзінің қалыпты май қабаттарын бөледі, ол оны құрғап кетуден қорғайды, терінің қалыпты күйін сақтауға көмектеседі, РН реттейді», – деп түсіндірді Колчева.

Сарапшының айтуынша, терінің жуылмауы немесе оны тым мұқият тазаламау салдарынан безеу сияқты бөртпелер пайда болуы мүмкін. Алайда, маманның айтуынша, мұндай белгілер басқа себептерден де болуы мүмкін. "Соның ішінде, салауатты өмір салтын дұрыс сақтамаудан немесе  гормондық бұзылыстардан болуы мүмкін. Тек дәрігер ғана оның табиғи себебін анықтай алады, сонымен қатар құтылуға көмектеседі, тері күтімін адам өз бетінше таңдай алмайды", деп еске салады дерматовенеролог.

Колчева күні бойы теріге қосымша күтім жасаудың қажеті жоқ екенін атап өтті. Тек ауырған кезде тері күтімді қажет ететінін де еске салды. Оның айтуынша, кейбір адамдар ыстық маусымда сергіту үшін әртүрлі микроэлементтермен байытылған термалды суды пайдаланады. Сарапшы тұздардың құрамына байланысты оның кейбір түрлері теріден ылғал шығаратынын еске салды, ол термалды суды кремдермен араластыруға кеңес берді, сонымен қатар жазда оны таза түрінде пайдаланбауға кеңес берді.

Бетті мицеллярлы сумен жуғаннан кейін оны лосьонмен немесе сумен бейтараптандыру керек. Колчева су өткізбейтін макияжды осы құралмен жуып, содан кейін бетті тоникпен сүртуге кеңес береді.