Бас санитар дәрігердің ревакциналау туралы қаулысы шықты
Қазақстанның бас санитар дәрігері Айжан Есмағамбетова ревакциналауға қатысты жаңа қаулыға қол қойды, деп хабарлайды Almaty-akshamy.kz Elorda.info-ға сілтеме жасап.
"Қазақстанның аумағында 3 және одан да көп ай тұратын шетел азаматтарын қоса алғанда, барлық адамдар коронавирусқа қарсы ревакциналауға жатады", - делінген қаулыда.
Коронавирусқа қарсы ревакциналау алдыңғы профилактикалық екпеден кейін 6 ай аралықпен коронавирусқа қарсы вакциналаудың толық курсын және бұрын бірінші ревакциналауды алған адамдарға жүргізіледі.
Ревакциналау алгоритмінің 130-тармағы төмендегідей редакцияланды:
Коронавирусты жұқтыру қаупі жоғары (басымдылығы бойынша) мына адамдар коронавирусқа қарсы қайта ревакциналауға жатады:
- медицина қызметкерлері;
- медициналық-әлеуметтік мекемелердің контингенті мен персоналы;
- күш құрылымдарының қызметкерлері;
- педагогтар;
- пенитенциарлық (қылмыстық-атқару) жүйе мекемелерінің контингенті;
- 50 жастан асқан адамдар.
Осы қаулы 2022 жылғы 25 мамырдан бастап қолданысқа енгізіледі.
