Балуандар U23 әлем чемпионатында күреседі
Ел үмітін арқалаған балуандардың бабы келісіп, бағы жансын!
Ұлттық Олимпиада комитетінің дерегінше, еркін күрестен Қазақстан құрамасы 23 жасқа дейінгі балуандар арасындағы әлем чемпионатына қатысады, деп хабарлайды Almaty-akshamy.kz
Сербия астанасы Белград қаласында күрес түрлерінен 23 жасқа дейінгі балуландар арасында әлем чемпионаты өтеді.
5-7 қараша күндері еркін күрес бойынша балуандар өзара мықтыны анықтауға Белград бозкілеміне шығады. Аталған додаға Қазақстан сапынан он спортшы қатысады.
Олар: Асыл Айтақын, Ильяс Аманжолов, Сырбаз Талғат, Нұрқожа Қайпанов, Бибарыс Нұрыллаұлы, Мақсат Сатыбалды, Бекзат Үркімбай, Юнус Гафуров және Бақдәулет Өсербай.
Айта кетерлігі, 23 жасқа дейінгі балуандар арасындағы әлем чемпионатына Қазақстанның грек-рим және әйелдер күресі құрамалары да қатысады.