БАӘ-де толассыз жауған жаңбыр рекордтық мөлшерге жетті

БАӘ-де толассыз жауған жаңбыр рекордтық мөлшерге жетті
Сурет: Inform.kz

27 жылдағы жауын-шашынның ең көп мөлшері түскен

Біріккен Араб Әмірліктерінде соңғы екі күнде толассыз жауған жаңбыр нәтижесінде 27 жылдағы жауын-шашынның ең көп мөлшері түскен, деп хабарлайды Almaty-akshamy.kz ҚазАқпаратқа сілтеме жасап.

Khaleej Times басылымының мәліметінше, ұлттық метеорология орталығының мәліметінше, нөсер мен жаңбыр ел тарихындағы ең үлкен су тасқынына әкелді. Бейсенбіде Фуджейра порт станциясында 255,2 мм жауын-шашын тіркелген, бұл шілде айында БАӘ үшін ең жоғары көрсеткіш. 

Жауын-шашынның мөлшері бойынша екінші көрсеткіш - 209,7 мм БАӘ-нің солтүстік-шығысындағы Рас-Аль-Хайма әмірлігінде орналасқан Масафи қаласында тіркелді. 

Үшіншісі - Фуджейра әуежайында жауын-шашын мөлшері 187,9 мм-ге жетті. Фуджейра полициясы су тасқыны салдарынан зардап шеккендер туралы ешқандай хабарлама түспегенін, тек ғимараттар мен көліктерге зиян келгенін хабарлады. 

БАӘ вице-президенті шейх Мұхаммед бин Рашид Дубайдағы құтқару топтарына Фуджейра Әмірлігінде, сондай-ақ қатты жаңбырдан зардап шеккен елдің шығыс аймақтарында құтқару жұмыстарына көмек көрсетуді тапсырды. 

Ел Үкіметі бейсенбі мен жұмада қашықтан жұмыс істеуге көшу туралы жарлық шығарды.