Бір жылда Қазақстанда өлім көрсеткіші 18%-ға өскен

Бір жылда Қазақстанда өлім көрсеткіші 18%-ға өскен
Сурет: 24.kz.

Бір жасқа толмаған сәбилер өлімі 12%-ға өскен.

Соңғы бір жылда Қазақстанда өлім көрсеткіші 17,8%-ға өскен, деп хабарлайды Almaty-akshamy.kz Finprom.kz сілтеме жасап. 

2021 жылдың қаңтар-маусым айларында Қазақстанда қайтыс болғандар саны, өткен жылдың осы кезеңімен салыстырғанда, бірден 17,8%-ға, 76,6 мың адамға дейін өсті. Соның ішінде ауылдарда өлгендер саны 12,2%-ға, 28,5 мың адамға дейін, қалаларда 21,5%-ға, 48 мың адамға дейін өсті.

Қайтыс болған ерлер саны 41 мың адамды құрады (өсім - жылына 16,5%), әйелдер - 35,6 мың адам (өсім - 19,4%).

Түсінікті болу үшін: 2020 жылдың қаңтар-маусымында қайтыс болғандар саны 65 мың адамды құрады, жылына минус 2,5%; алайда, 2020 жылдың 12 айының соңына қарай, көрсеткіш 162,6 мың адамға жетті - бұл 2019 жылмен салыстырғанда бірден 21,8% -ға артық.

Аймақтар бойынша, өлімнің көп бөлігі Алматы облысында тіркелен: 8,1 мың адам - 2020 жылдың бірінші жартыжылдығымен салыстырғанда бірден 20,2% -ға көп.

Қайғылы статистика бойынша Шығыс Қазақстан облысы да ерекшеленіп отыр (8,1 мың өлім, жылына 18,3% өсім) және Алматы (7,7 мың өлім, 33,4% өсім).

Қазақстанның 17 аймағының ешқайсысын да биыл өлім-жітім көрсеткіші төмендемеген. Нашар көрсеткіштің ең жоғарғы өсуі Алматыда, ең төменгі шегі Қызылорда облысында тіркелді (1,6%-ға, 2,4 мың адамға дейін).

Өлім себептері бойынша қан айналымы жүйесінің аурулары жиі кездеседі: жағдайлардың 24,2% немесе 18,6 мың адам, бұл бір жыл бұрынғы көрсеткіштен 18,6% -ға көп. Оның ішінде жүректің ишемиялық ауруынан 6,6 мың адам қайтыс болды, ми қан тамырларының зақымдануынан - 6,2 мың адам, гипертониядан - 529 адам.

Тыныс алу мүшелерінің аурулары да өлімнің жиі себептері болып табылады (алты айда 7,9 мың өлім - бір жыл бұрынғыдан 8,5% артық), оның ішінде 2,3 мың адам тұмау, жедел респираторлық инфекциялар мен пневмониядан қайтыс болды.
Тағы бір жиі кездесетін себеп - бұл неоплазмалар: 7,2 мың өлім - бір жыл бұрынғыдан 3,4% аз. Оның ішінде 7 мың адам қатерлі ісіктерден қайтыс болды.

Сонымен қатар, 2021 жылдың қаңтар-маусымында 1 жасқа дейінгі сәбилер арасындағы өлім-жітім 12%-ға, 1,7 мың адамға дейін өсті. Қайтыс болғандардың ішінде - 937 ұл және 751 қыз бала.

Нәресте өлімінің ең көп тараған себебі - перинаталдық жағдайлар: 932 өлім. Туа біткен ауытқудан 335 нәресте, 72 жұқпалы және паразиттік аурулардан қайтыс болды.

Жалпы, елдегі өлім-жітім көрсеткіші 1000 адамға шаққанда 8,12 құрады, өткен жылдың осы кезеңінде 6,96 -ға қарсы, нәресте өлімінің коэффициенті бір жыл бұрынғы 7,64 -ке шаққанда 1000 туылғанға 7,81 құрады.