Аутизммен ауыратын балаларға сенсорлық сезімдерді алу өте маңызды
Аутизммен ауыратын балалар үшін олардың мінез-құлқын реттеу және қоршаған әлемге бейімделу үшін сенсорлық сезімдерді алу өте маңызды. Осы мақсаттарда мамандар аутизммен ауыратын балалардың мінез-құлқын реттеуге және бейімделуге көмектесетін сенсорлық ойындардың әдісін пайдаланады.
Өз кезегінде оңалту және жаңа технологияларды енгізу бөлімінің педагог-логопеді Жанар Естемесова аутизмге шалдыққан балалармен жұмыс жасауда баламалы және қосымша қарым-қатынас құралдарын қолдану қажет екендігімен бөлісті. Бұл диагнозы бар кейбір балалар өздерінің қажеттіліктері мен тілектерін ауызша айта алмайды, басқаларында жақын адамдарымен қарым-қатынаста сөйлеу кезінде қиындықтар болады.
«Баламалы және қосымша қарым-қатынас әдістері - бұл сөз бен оны толықтыратын қызметтерді қажет етпей-ақ, баланың отбасындағы қарым-қатынасын жақсартуға ықпал ететін қарым-қатынас әдістері. Оның үстіне біз күнделікті өмірде осындай қарым-қатынас әдістерін қолданамыз. Бұл, мысалы, жол белгілері, киім жапсырмалары, қоғамдық дәретханаларды көрсететін белгілер және т.б. Баламалы коммуникация дегеніміз - адамның сөйлемей және жазбай-ақ, кез келген ақпаратты беру немесе қабылдаудың барлық тәсілдері. Ал қосымша коммуникация дегеніміз – ақпаратты заттардың, ым-ишараның және графикалық белгілердің көмегімен жеткізу тәсілі», - деп атап өтті Ж.Естемесова.
Бұл ретте байланыс құралдары төмен технологиялық, орта технологиялық және жоғары технологиялық болып бөлінеді.
Мамандардың айтуынша, баламалы және қосымша коммуникацияларды қолдану сөйлеу мен тілдің дамуына, соның ішінде сөзді түсінуге және ана тілін меңгеруге ықпал етеді. Олар бұл байланыс әдістерін мүмкіндігінше ертерек енгізуге кеңес береді.
