Атырау облысындағы ауылды су басты
24 үйдің тұрғындары қауіпсіз жерге көшірілді.
Атырау облысындағы Ноғайты өзені арнасынан асып, Сағыз ауылын су басты. Жиырмадан астам үйге су басу қаупі төнді, деп хабарлады Almaty-akshamy.kz.
Қазіргі уақытта су астында қалуы мүмкін деген 24 үйдің тұрғындары қауіпсіз жерге көшіріліп, колледж бен мектепке орналастырылып жатыр.
«Азаматтарды қауіпсіз орындарға көшіру, сондай-ақ суға бөгеттер қою жұмыстарына еріктілер, өзге де мекеме қызметкерлері бар - барлығы екі жүздей адам, ондаған техника жұмылдырылған», - делінген өңірлік коммуникациялар қызметінің хабарламасында.