Арменияда президент сайлауы наурыз айында өтеді
Депутаттар бұл қызметке Вахагн Хачатурянды ұсынды.
Арменияда президент сайлауы наурызда өтеді. Ел Парламентінің 65 депутаты бұл қызметке Жоғары технологиялық индустрия министрі Вахагн Хачатурянды ұсынды. Бұл туралы Үкімет отырысында Премьер-Министр Никол Пашинян айтты, деп хабарлады Almaty-akshamy.kz Interfax.ru сілтеме жасап.
23 қаңтарда Армения Президенті Армен Саркисян отставкаға кетті. Парламент бұл шешімді 1 ақпанда бекітті. Президенттің міндетін уақытша Парламент спикері Ален Симонян атқарады.
Армения Президентін Парламент жеті жыл мерзімге сайлайды. Сайлау республика Президентiнiң бос лауазымы ашылғаннан кейiн 25 күннен ерте емес және 35 күннен кешiктiрiлмей өткiзiледi.
Вахагн Хачатурян Арменияның экс-президенті Левон Тер-Петросянның саяси серігі болып саналады, бұл қызметті 1991-1998 жылдары атқарған.
Хачатурян 1992-1996 және 1996-1998 жылдары Ереван қаласының мэрі болды. 2019-2021 жылдары Президенттің кеңесшісі, армяндық ірі кәсіпкерлердің бірі, билеуші партияның депутаты Хачатур Сукиасянның отбасына жататын «Армеконбанк» басқармасының мүшесі болды. 2021 жылдың тамызында Хачатурян Жоғары технологиялық индустрия министрі болып тағайындалды.
