Бейжің-2022: Қанша лицензия бар?
Жолдамалар көп емес
Шаңғымен трамплиннен секіру, тау шаңғысы және шаңғы қоссайысы бойынша іріктеу кезеңі аяқталды, деп хабарлайды Almaty-akshamy.kz
Бұл спорттан қанша қазақстандық Олимпиадаға баратынын есептелінді.
«Төрт трамплин турнесі» де, әлем кубогының кезеңдері де біздің спортшылардың жағдайын жақсартпады. Бұрынғыдай бізде ерлер арасындағы екі-ақ квота бар, оларды Сергей Ткаченко мен Сабыржан Муминов алатын шығар. Біздің құрама командалық жарыста бақ сынауға мүмкіндік алса, Никита Девяткин мен Данил Васильев те Бейжіңге барады.
Қазақстанда шаңғы қоссайысында ерлер арасында бір квота бар. Бұл негізінен спортшыларымыздың Құрлықтық кубок кезеңдеріне қатысуына байланысты болды. Бір жолдамаға бірнеше спортшымыз таласады, дегенмен Шыңғыс Рақпаровтың мүмкіндігі көбірек.
Тау шаңғысында бізде екі негізгі квота бар. FIS-ұпайлар бойынша қазақстандықтар тек слалом мен слалом-гигантта жарыса алады. Осыған байланысты Олимпиадаға ерлер арасында Захар Кучин барады, ал әйелдер арасында Каролина Лата бақ сынайды.
Мұны ұлттық құраманың бас бапкері Алексей Шубин де растады. Дегенмен, жаңартылған Олимпиада тізімінде Милена Скубкова FIS-ұпайларын түзетіп, енді ол жалғыз Олимпиада квотасына үміткер болып отыр.
Еске салайық, биатлон, шаңғы жарысы, фристайл, конькимен жүгіруде де іріктеу аяқталды, Бейжіңде өтетін Олимпиадаға қатысатын шорт-тректен Қазақстан құрамы жарияланған.
Айта кетейік, Олимпиадада мәнерлеп сырғанау, керлинг, хоккей, сноуборд, шана жарысы, бобслей және скелетон жарыстарына Қазақстан қатыспайды.
