Анна Данилина жұптық сында жартылай финалға шықты
Тартысты өткен бәсеке екі сағаттан астам уақытқа созылды.
Қазақстанның жұптық сындағы бірінші ракеткасы Анна Данилина Аустралия ашық чемпионатының жартылай финалына шықты, деп хабарлайды Almaty-akshamy.kz Olympic.kz cайтына сілтеме жасап.
Қазақстандық теннисші бразилиялық Беатрис Хаддад Майямен бірге ширек финалда швециялық Ребекка Петерсон - ресейлік Анастасия Потаповамен шеберлік байқасты. Бірінші партияда швециялық- ресейлік жұп басымдылық танытты - 6:4. Екіншісінде Анна мен Беатрис есе қайырды - 7:5. Сосын үшінші, шешуші сетті жеңіспен тәмамдады - 6:3. Тартысты өткен бәсеке екі сағаттан астам уақытқа созылды.
Анна мен Беатрис финалға шығу үшін жапониялықтар Сюко Аояма - Ена Шибахарамен таласады.