Алматы жылу жүйесi жаңа оқу орталығының жұмысымен танысты

Алматы жылу жүйесi жаңа оқу орталығының жұмысымен таныстыҚала әкiмi  Бауыржан Байбек Алматы жылу жүйесiнiң жаңартылған оқу орталы­ғында болды. Мұнда бiр жыл iшiнде жылу, энергетика кәсiпорындарының 900 қыз­меткерi жетi сала бағыттары бойынша кәсiби  бiлiмдерiн жетiлдiре  алады. Орта­лық мегаполистiң Медеу ауданындағы «Алматы жылу  жүйесi» ЖШС өндiрiстiк  базасында ашылды.

Алматы қаласы Энергетика және ком­муналды шаруашылық басқармасының мәлiметi бойынша жылу, энергетика қызметкерлерiнiң бiлiмiн жетiлдiретiн жаңа оқу орнының ашылуы бiлiктi кадрлар тап­шылығын жоюдың қажеттi әрi заманауи қадамы болып табылады. Жаңа орталық­тың базасында бiлiктi қызметкерлер құра­мын 30%-ға арттыру  жоспарланған. Сабақ оқылатын аудиториялардың санын екi есе ұлғайту барысында жаңа орталықта күнiне 50-ден аса адам бiр мезетте дәрiс алады.

Болашақта жаңа оқу орталығында ПИК қызметкерлерiн қоса есептегенде, ТҮКШ-тың 600 маманы қайта даярланады, жеке сервистiк ұйымдар өкiлдерi де бiлiм­дерiн жетiлдiре алады,  оқу бiтiргендерге  арнайы сертификаттар табыс етiледi. Бекiтiлген оқу кестесiне сай  жаңа орта­лықта жер асты жылу жүйелерi мен жылу  нүктелерiн, түрлi қондырғыларды жөндейтiн слесарьлар, насосты қондырғылар маши­нистерi, жылу нүктелерiнiң операторлары, электротехникалық қызмет жұмысшылары кәсiби дайындықтан өтедi.

Жаңа оқу орталығында бiлiм алғандар заманауи автоматтандырылған жылу нүктелерi мен жылу желiлерiнде жұмыс iстеудiң түрлi әдiстерiн меңгередi, гидрав­ликалық режимде жұмыс iстейтiн қондыр­ғыларды  еркiн меңгерiп, насосты  станса­лар­ды басқарудың ерекшелiктерiмен таны­сады. Бұлардан өзге, оқу курсына  қатыс­қандар жылумен қамтамасыз етудiң және энергияны тұтынуға сараптама жасаудың экономикалық режимдегi әдiстерiн игередi. Орталықтағы кәсiби бiлiмдерiн толықты­рушы мамандарға тәжiрибелi  шеберлер, оқытушылар заманауи оргтехниканы, қон­дырғыларды, макеттер мен зертхана­ларды ұтымты пайдалана отырып, сабақ бередi.

«Ақшам-ақпарат»

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *