Алматыдағы коронавирустық жағдай күрделі күйінде қалуда

 

«Алматы» телеарнасының Akimat Live бағдарламасының тікелей эфирінде қала әкімі Бақытжан Сағынтаев мегаполистегі санитарлық- эпидемиологиялық ахуал туралы айтып берді.

Алматыда бүгінгі күні коронавирус инфекциясының 20 635 жағдайы тіркелді, оның 12 927-і сиптомды, 7 708-і симптомсыз. Ағымдағы жылдың 19 қаңтарына COVID-19 ауруының 127 жағдайы тіркелді, оның ішінде 84 жағдай сиптомды, 28-і симптомсыз. Жалпы жұқтырудың тәуліктік өсімі 0,5%-ды құрайды. Алматыда вирустың репродуктивтілік көрсеткіші 0,954 (республика бойынша — 1,1).

Инфекция негізінен қоғамдық орындарда жұғуда. 3-19 қаңтар аралығындағы мәліметтер: қоғамдық орындарда (40,1%), отбасындағы КВИ науқаспен байланыс нәтижесінде (27,4%), қалалық көлікте (22,8%), жұмыс орнында КВИ науқаспен байланыс кезінде (5,6%), шетелдерден және өзге өңірлерден әкелінген инфекциядан(2,6%). Жас ерекшеліктері бойынша инфекция жұқтырудың жағдайлары: 20-39 жастағылар — 34,7%; 40-59 жастағылар — 28,7%; 60 жас және одан үлкен жастағылар — 21,3%.

Инфекциялық стационарларда 810 адам емделуде, оның ішінде 20 бала бар, 17 науқастың жағдайы өте ауыр, 147 науқастың жағдайы ауыр, 644-інің жағдайы орташа ауыр, 2 науқастың жағдайы жеңіл. Жазылып шыққандары – 82, ауруханаға түскендері – 112.

Қалыптасқан жағдайды ескере отырып, қала әкімі Б. Сағынтаев қалалықтарға санитарлық- эпидемиологиялық қауіпсіздік шараларын қатаң сақтау қажеттігін ескертті.

Алматы әкімі тікелей эфир барысында қала тұрғындарын толғандырған түрлі сауалдарға, оның ішінде жолдарды салу мен жөндеу, газбен жабдықтау, мүгедектерді қолдау және мегаполистің инфрақұрылымын дамыту мәселелеріне қатысты қойылған сұрақтарға жауап берді.

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *