«Almaty Creative Class» білім беру платформасы іске қосылады
Тегін онлайн курстары бар алаң креативті кәсіпкерлер мен креативтік индустриялар саласында өз дағдыларын арттырғысы келетіндерге арналған.
Алматы қаласы Креативтік индустриялар басқармасының мәліметінше, Almaty Creative Class білім беру платформасы іске қосылды, деп хабарлайды Almaty-akshamy.kz
Кез келген адам almatycreativeclass.kz сайтында біздің курстарымызға тіркеліп, білім ала алады. «Almaty Creative Class» платформасының негізгі идеясы – ісін жаңа бастаған және тәжірибелі кәсіпкерлерге әр түрлі салада өз дағдыларын арттыруға көмектесу.
Курс авторлары Қазақстан, Ресей, АҚШ, Украина, Қырғызстан және Үндістан кәсіпкерлері, бизнес-тренерлері, сарапшылары, жобалар мен институттардың жетекшілері болды. Жоба аясында басқарма қазақ және орыс тілдерінде келесі 11 курсты ұсынады:
1) Тәжірибелі фотограф Никита Басовтың «Фотосурет шебері» курсы. Бұның барлығы клиенттермен қалай қарым-қатынас жасау, неден бастау керек, техниканы қалай таңдау керек және өз қызметтерін қалай бағалау керектігі туралы көбірек білгісі келетін фотографтар үшін.
2) Менеджмент саласындағы сарапшы Әйгерім Райымжанованың және мемлекеттік сатып алу саласындағы 10 жылдық тәжірибесі бар маман Раушан Ғаббасованың «Креативті экономикаға арналған тендерлер» курсы. Мемлекеттік сатып алу процесі, негізгі ережелер мен алаңдар туралы бәрін білуге болады.
3) «Жобалық менеджмент» курсын Украинаның тәжірибелі маманы – Олена Бондаренко жүргізеді. Оның есебінде білім беру, адам құқықтарын қорғау, оқыту және ғылыми зерттеулер саласындағы 30-дан астам табысты жобалар бар. Сіз «логикалық шеңбер» деген не, команданы қалай үйлестіру керек, нені іздеу керек және жобаны қалай қорытындылау керектігін білесіз.
4) «Презентация өнері» – оқытушы Нұркен Әубәкірдің базалық теориялық курсы, оның аясында ол презентация заңдары, сөз сөйлеу ерекшеліктері мен пайдалы ресурстар туралы көбірек айтып береді.
5) «Интернет кеңістігіндегі жеке бренд» курсы SMM және жеке бренд құру саласындағы жұмыстың теориялық және практикалық бөліктерін біріктіреді. Кеңесші Денис Поленов SMM теориясы туралы, мұның не екенін және қандай нюанстар бары туралы әңгімелейді, ал Phillip Morris сарапшысы Геннадий Захаров Instagram және Facebook-тегі жарнамалық кеңселерді қалай пайдалану керектігін және жеке парағыңызды қалай орнату керектігін егжей-тегжейлі көрсетеді.
6) «Қалай жазушы болуға болады?» – бұл журналист және копирайтер Андрей Шениннің негіздері. Жаңа бастаған жазушы өзіне күмәнданудан бастап еңбегін жариялағанға дейін қандай мәселелермен бетпе-бет келетіні туралы айтады.
7) Қазақстанның тұрақты зерттеулер институтының директоры және БҰҰ сарапшысы Брендан Дюпрейдің «Әркімге арналған Фандрайзинг» курсы фандразинг процесінің негізгі нәрселері туралы әңгімелейді. Сіз донорға не ұсыну керек және қаржыландыруға үміткер жоба қандай болуы керек екендігі туралы білесіз.
8) «Іскерлік мәтін негіздері» курсы аясында «Алатриум» қоғамдық қорының жетекшісі Жасұлан Нұрбаев тыңдаушылармен іскерлік құжаттамамен жұмыс тәжірибесімен бөліседі. Қандай сөздерді қолдану керек, қайсысын қолданбаған дұрыс болатынын және оларды қалай шатастырмау керектігі туралы кеңес береді.
9) «Арт-менеджмент» – іскерлік әкімшілендіру докторы Анастасия Липовканың теориялық курсы. Арт-менеджмент пен менеджменттің айырмашылығы неде? Курсқа бонус ретінде креативті кәсіпкер Дина Құрманғалиевамен («АлтынЗер» компаниясы) сұхбат беріледі.
10) Үндістаннан келген заң мәселелері жөніндегі кеңесші Снехи Вемуланың «Авторлық құқық» курсы. Фактілер, принциптер, құбылыстың өзін түсіну, сонымен қатар авторлық құқықты тікелей тіркеу туралы практикалық дәріс.
11) «Креативті кәсіпкерлердің табыстары мен сәтсіздіктері» курсы – профессор Анджан Гоштың Қазақстан кәсіпкерлерінің тәжірибелік кейстері туралы курсы. Кейстер арасында «Жансая Әбдімәлік Шахмат академиясы», «Мимиорики», «АРТиШОК» және басқа да танымал компаниялардың тәжірибесі ұсынылады.
Курстарға бейнедәрістер, тесттер, жұмыс дәптерлері және қосымша материалдар кіреді. Курсты аяқтағаннан кейін курстарды сәтті аяқтағаны туралы сандық сертификат беріледі.
