Алматының мониторинг топтары карантин шараларын бұзушыларды анықтауды жалғастыруда
Алматыда 40 мониторинг тобы жұмыс істейді.
Мониторингтік топтар өткен демалыс күндері Алматының сегіз ауданында 25 карантин бұзушылықты анықтады, деп хабарлайды Almaty-akshamy.kz.
Бұзушылар тізімінде «Дуплет» бильярд бөлмесі, «Льдинка» кафесі, «Billioner» караоке бары бар.
Алматыда 40 мониторинг тобы жұмыс істейді. Биыл олар 26 401 нысанды тексерді, олардың 2 383-інде карантиндік шаралар бұзылғаны анықталды. Мониторингтік топтардың құрамына аудандық әкімдіктердің өкілдері, полиция қызметкерлері, кәсіпкерлер палатасының мамандары мен еріктілер кіреді.
Алматы қаласы Санитарлық-эпидемиологиялық бақылау департаментінің айтуынша, жыл басынан бері белгіленген шектеулерді бұзғаны үшін 4 524 хаттама толтырылған. Соның ішінде заңды тұлғаларға 149 764 115 теңге сомасына 427 хаттама, жеке тұлғаларға қатысты бетперде режимін бұзғаны үшін 179 658 030 теңге сомасына 4 097 хаттама жасалды.
Шектеу шараларын жүйелі түрде бұзғаны үшін толтырылған 75 материалды санитарлық дәрігерлер мамандандырылған ауданаралық әкімшілік соттарға тапсырды. Солардың 54-і бойынша қызметті тоқтату туралы шешім қабылданды.
Мониторингтік топ өкілдерінің айтуынша, өткен аптада тексерушілердің мобильді топтары күшейтілген режимде жұмыс істеді. 920 мекеме тексерілді, 60 бұзушылықтар тіркелді. Жалпы сомасы 5 миллион теңгеден асатын 48 хаттама толтырылды. Ең көп бұзушылық Алатау ауданының аумағында анықталды. Онда тексерушілер карантин талаптары бұзылған 28 мекемені анықтады.
Демалыс күндері Алматыда 25 карантин шаралары бұзған оқиға анықталды. Бұл тізімде қала тұрғындары арасында танымал мекемелер бар. Мысалы, 17 маусымда Алмалы ауданында 40-қа жуық адам болған «Дуплет» бильярд клубы тиісті талапты бұзған.
Сол күні Наурызбай ауданы Сейтбеков көшесіндегі жеке үйде санитарлық нормалар мен қашықтықты сақтамай 50-ден астам адам болған.
18 маусымда тексерушілер 200-ден астам демалушы болған Медеу ауданындағы «Лейд Найд Шоу» барындағы заң бұзушылықты тіркеді. Осы түні «Billioner» караоке бары тағы да құқық бұзушылар тізіміне кірді, онда шамамен 80 келуші болды.
19 маусымнан 20 маусымға қараған түні Алмалы ауданының «Льдинка» кафесінде әлеуметтік қашықтықты сақтамай 150 адам болған. Сол түні тексерушілер Бостандық ауданының «Status» компьютерлік клубынан 80-нен астам геймерді шығарды.
Еске салсақ, Алматы «жасыл» аймақта орналасқанына қарамастан, КВИ бойынша қаладағы эпидемиологиялық жағдай күрделі. Осыған байланысты оңтүстік астананың тұрғындары мен қонақтары коронавирустық инфекцияның одан әрі таралуын болдырмау үшін санитарлық нормалар мен карантин талаптарын қатаң сақтауы керек. Кәсіпкерлік нысандардың санитарлық қауіпсіздік шараларын қатаң бақылауда.
Еске салсақ, өткен аптада Алматының бас санитарлық дәрігері Жандарбек Бекшин Еуропа мен Ресейге енген «Үнді» мен COVID-19 вирусының басқа да мутацияларының әлемде таралуына байланысты халықты карантин шектеулерін сақтауға шақырды. Алматылықтарға КВИ-дің өршуін болдырмай әрі қалыпты өмірге оралу үшін белсенді түрде вакциналану қажет.
