«Алматылықтардың көңіл күйі – жақсы»
Қала тұрғындары референдумға енгізілген түзетулермен жақсы таныс. Бұл пікірді Ресей Федерациясының халықаралық бақылаушысы, Ленинград облысының жергілікті өзін-өзі басқару, ұлтаралық және конфессияаралық қатынастар комитетінің төрағасы Лира Бурак мәлімдеді.
«Бүгін мен жеті сайлау учаскесіне бардым, барлық жерде жақсы жағдай жасалған, патриоттық әндер ойнап тұр. Сайлаушылар үшін осындай жағымды эмоционалды жағдай маңызды», – деп бөлісті байқаушы.
Лира Бурактың айтуынша, алматылықтар бұл сәттің маңыздылығын түсінеді – қала тұрғындарының белсенділігі жоғары.
«Бүгінгі дауыс беру нәтижесі сіздің болашақ өміріңізге белгілі бір негіз болады. Сайлау учаскелерін ұйымдастыруға келетін болсақ, бұл жоғары деңгейде жасалған, рәсімдеу, жабдықтар тұрғысынан ешқандай бұзушылықтар анықталған жоқ», – деп қорытындылады Лира Бурак.
