Алматылық жастар Президент жолдауын талқылады

Алматылық жастар Президент жолдауын талқылады
Сурет: Baq.kz

Көзі ашық, көкірегі ояу азаматтар елді алға бастайды

AMANAT партиясы Алматы қалалық филиалы жанындағы  «Жастар Рухы» жастар қозғалысы Президент Жолдауын талқылау мақсатындағы «Жастарға жан-жақты қолдау көрсету» тақырыбындағы «Qaisar» диалог алаңын өткізді, деп хабарлайды Almaty-akshamy.kz BAQ.KZ-ке сілтеме жасап.  
«Qaisar» жастарды отансүйгіштікке баулитын AMANAT партиясының биыл іске қосылған әскери-патриоттық жобасы. Жобаның мақсаты да ел қорғайтын, мемлекетімізге қызмет ететін ержүрек азаматтарды тәрбиелеуге басым маңыз беру болатын. Осы тұрғыда жастармен бірнеше кездесулер өткен еді. 

Бүгінгі кездесу қонақтары  Қазақстан Республикасы Ұлттық Қауіпсіздік Комитетінің Шекара қызметі  академиясының майоры Әділжан Әділгерей, Алматы қаласы мәслихат депутаттары Бекбол Рамазан мен Дина Ерлан болды. Диалог алаңының модераторы – «Жастар Рухы» ЖҚ Алматы қалалық филиалының төрағасы Акежан Кеңесов.

Бұл кездесудің негізгі тақырыбы - «Жастарға жан-жақты қолдау көрсету» Президент Жолдауын талқылау мақсатында болды. Тақырып аясында Дина Ерлан әлеуметтік сұрақтарға жауап беріп, жастарға тиімді әрі пайдалы тармақтарды атап өтті. Өз кезегінде Бекбол Рамазан жатақханалардың ашылуы, олардың жай-күйі жөнінде айтты. Бекбол Рамазан жастарға уақытты тиімді пайдалану маңызды екенін жеткізді.

«Көзі ашық, көкірегі ояу азаматтар елді алға бастайды. Сондықтан бірнеше тіл біліп, түрлі кәсіп игеру жастардың, яғни  біздің қолымыздан келеді. Президент атап өткендей, еліміз бәсекеге қабілетті болуы қажет. Ол үшін ең бірінші жастарымыз мықты маман болып, жаҺандану заманында бәсекеге қабілетті болып шыңдалуы қажет», – деді кездесудің модераторы «Жастар Рухы» ЖҚ төрағасы Кеңесов Әкежан. 

Жалпы кездесу соңы блиц сұрақ-жауап түрінде өтіп, жастар өз сауалдарына жауап алып, ойларын бөлісті.