Алматылық кәсіпкерлерге өтеусіз грант конкурсына өтінім қабылдау басталды

Құжаттар 15 сәуірге дейін  қабылданады.

«Алматы қаласының кәсіпкерлік және инвестициялар басқармасы» ММ бизнес-идеяларды іске асыру үшін 5 млн теңгеге дейін өтеусіз мемлекеттік гранттарды бөлу жөніндегі конкурсқа қатысуға өтінімдерді қабылдаудың басталды, деп хабарлайды Almaty-akshamy.kz

Мемлекеттік гранттарды бөлу жөніндегі конкурсқа мыналар қатыса алады: Экономиканың басым секторларында жобаларды іске асыратын шағын кәсіпкерлік субъектілер, оның ішінде:

- 29 жасқа дейінгі жас кәсіпкерлер;

-Кәсіпкер ретінде мемлекеттік тіркеу мерзімі 3 жылдан аспайтын ісін жаңа бастаған кәсіпкерлер.

Гранттар конкурсына қатысу үшін үміткерлер 2022 жылғы 4 сәуір мен 15 сәуір аралығындағы кезеңде конкурстық құжаттаманың толық топтамасы бар электрондық өтінімді ұсынуы қажет. Конкурсқа қатысу үшін өтінімдер мына www.qoldau.kz. сайтына жіберу қажет.

Көрсетілген мерзім өткеннен кейін түскен өтінімдер қабылданбайды.

Анықтама үшін байланыстар:

- «Алматы қаласының кәсіпкерлік және инвестициялар басқармасы» ММ, Алматы қ., Байзақов к-сі, 303, 302 кеңсе. тел. 390-20-99, 390-20-69

- Qolday кәсіпкерлікті қолдау орталығы, Алматы қ., Байзақов к-сі, 303, 2 қабат, Тел. +7 (727) 225-10-79

– «Атамекен» ҰКП Алматы қаласы бойынша, Алматы қаласы, Жібек жолы даңғылы, 135, 8 қабат, 2 блок, тел. +7 (727) 331-01-33, Call-centre 1432

- «Даму КДҚ» АҚ аймақтық филиалы-Алматы қ., Наурызбай батыр к-сі, 8, тел.+ 7 727 244 55 66 вн.3113