Алматылық дәрігерлер көз қылилығын емдеу әдістерін түсіндірді
Жыл басынан бері дәрігерлер 132 ота жасады
Алматы балалар жедел медициналық көмек көрсету орталығының офтальмология бөлімшесінде қитарланған үйлескен қылилық, шашыранды үйлескен қылилық, тік қылилық диагнозы бар балаларды емдейді, деп хабарлайды Almaty-akshamy.kz Almaty.tv-ге сілтеме жасап.
Балаларда көру қабілетінің бұзылуы туа біткен және гаджеттерге деген шексіз құмарлықтың нәтижесінде пайда болады. Қылилықты емдеуге болады. Бірақ дәрігерлер емдеуді ұзақ уақытқа кейінге қалдырмауға кеңес береді. Балалар жедел жәрдем орталығында көру қабілетін түзетуге мүмкіндік беретін тренажерлар - Синоптофор және Макулотестер көмегімен хирургиялық емес емдеу әдістері қолданылады. Көп жағдайда офтальмологтар қылилықты хирургиялық араласусыз консервативті түрде емдейді.
«Қылилықты емдеу кезінде біздің мақсатымыз ақауды косметикалық жою ғана емес, сондай-ақ ең жоғары көру функциясын дамытуға жағдай жасау - бұл бинокулярлық (қоршаған ортаны екі көзбен қабылдау қабілеті), стереоскопиялық көру.
Әрі қарай емдеу тактикасын шешу үшін баланы мүмкіндігінше ертерек офтальмологқа көрсеткен жөн. Көру анализаторының жоғары сапалы толыққанды дамуына жағдай жасау үшін қылилықты емдеу қашанда дер кезінде жүргізілуі керек. Бұл өте маңызды! Өкінішке қарай, 7-8 жастан кейін балаларды емдегенде, біз тек көру өткірлігін сақтауды мақсат етеміз, өйткені бұл өмір сапасының маңызды факторы болып табылады, бірақ бұл кезде бинокулярлық көрудің толық дамуы туралы сөз қозғамаймыз. Сондықтан емделуге жасы үлкенірек балалар келгенде, жақсы және тиімді нәтиженің болуы екіталай. Мұндай балаларды 7 жасқа дейін, яғни мектепке дейін бақылап, емдеуге тырысыңыз. Бинокулярлық бұзылумен байланысты қандай да бір жағдайды түзету мектеп жүктемесінің болуына байланысты белгілі бір қиындық тудырады. Отасыз емдеуге болатын қылилықтың көптеген түрі бар, сондықтан хирургия - дәрігер шешетін мәселе.
Көзілдірікті таңдау, аппараттық емдеу аясында хирургиясыз тиімді емделетін қылилық түрлері бар», - деп түсіндіреді Алматы қалалық Балалар жедел медициналық жәрдем орталығының офтальмологы, жоғары санатты дәрігер, медицина ғылымдарының кандидаты, Дүниежүзілік балалар офтальмологтары қауымдастығының мүшесі Ләззат Кейкина.
Қылилықтың себебі көп. Қылилықты қоздыратын көздің көріністерімен қатар неврологиялық жағдайлар болуы мүмкін, сондықтан Орталықтың офтальмологтары қашанда невропатолог әріптестерімен бірге жұмыс істейді. Қалыпты көру омыртқаның құрылымына тікелей байланысты екенін атап өткен жөн, ал қылилық балалар омыртқаны дұрыс ұстамаудың себебі болып табылады.
«Қылилық омыртқаның құрылымына қатты әсер етеді. Басты мәжбүрлі төмен қарап ұстау оның күйіне ғана емес, жалпы омыртқаның құрылымына толығымен әсер етеді. Сондықтан, біз қылилықты неғұрлым ертерек емдесек, нәрестенің басты ұстауын қалпына келтіру оңайырақ болады. Сәйкесінше, омыртқаның жағдайы да жақсарады. Көбінесе «көздік қисық мойынды» шынайы қисық мойынмен шатастырады, көптеген остеопаттар көзді емдеу керек екенін ұмытып, кейде оны сәтсіз емдеп те жатады», - деп қосты Ләззат Кейкина.
2022 жылдың басынан Алматы Балалар шұғыл медициналық көмек көрсету орталығының офтальмология бөлімінде қылилық диагнозы бойынша 147 бала емделді. Өткен 2021 жылы 109 науқас емделді. Кейбір жағдайда қылилықты түзету тек хирургиялық әдіспен іске асырылады. Жыл басынан бері дәрігерлер 132 ота жасады (2021 жылы 99 ота жасалды).
