Алматыға кеткен павлодарлық жасөспірім бір аптадан кейін табылды
Павлодарда жоғалған 16 жастағы қыз бір аптадан соң табылды.
10 шілдеде полицияның кезекші бөліміне 16 жастағы қыздың анасы хабарласып, жасөспірім үш күн бойы үйіне оралмағанын хабарлады. Анықталғандай, 3 шілдеде анасы баласымен Алматыға кеткен, ал қызы үйде жалғыз қалған.
9 шілдеде анасы үйіне оралғанда, қызы: “Мен досымның туған күніне қонуға бардым. Ертең келемін, уайымдамаңыз!” деген жазба хат қалдырған. Келесі күні таңертең анасы қызына қоңырау шала бастаған, бірақ телефоны өшірулі болды. Іздестірілушіні анықтау мақсатында Павлодар облысы ПД жеке құрамы бағдарланды, деп хабарлайды Almaty-akshamy.kz Polisia.kz-ке сілтеме жасап.
Бұдан басқа, “Павлодар қалалық Vita іздеу жүйелері” ҚБ еріктілерімен бірлесіп, іздеудегі мүмкін болатын бағыт бойынша бағдарларды желімдей отырып, іздестіру іс-шаралары өткізілді.
Жақын маңдағы үйлердің аулалары тексерілді, хабар-ошарсыз кеткен адам пәтерді жалға алуы мүмкін деген пәтер агенттіктері бағдарланды. Анықталғандай, қыз Алматыға кеткен. Кейін Павлодар қаласына оралып, жедел уәкілдер оны кафелердің бірінен тапты.
Қазіргі уақытта жасөспірім анасына тапсырылды, профилактикалық әңгіме жүргізілді. Айта кету керек, жыл басынан бері Павлодар облысының полиция қызметкерлері жоғалған 62 кәмелетке толмаған баланы іздестірді.
