Алматыдағы өрт: көліктегі автоцистернаның жарылуына байланысты тергеу басталды
Алматыда жанғыш сұйықтық сақталған кәсіпорында шыққан өртке қатысты ішкі тергеу басталды.
Өндірістік мекемеде арнайы комиссия құрылып, қызыл жалынның шығу себебі анықталып жатыр, деп хабарлайды Almaty-akshamy.kz
Өрт сөндірушілердің алдын ала болжамы бойынша, от қазандыққа қажетті сұйық отын тиелген жүк көлігінен шыққан. Тексеру жұмыстары заңға сәйкес 15 жұмыс күні ішінде аяқталуы тиіс. 4 мамыр күні кешке шаһардағы қоймалардың бірінде өрт шығып, жүк көлігіндегі автоцистерна жарылғанын еске сала кетейік. Қызыл жалын қаланың әр бұрышынан көрінді. Сондай-ақ, темір жолда тұрған екі цистернаны да өрт шарпып, ішіндегі жағармай жанып кеткен.