Алматыдағы мурал қалпына келтірілді
Оны бояп тастаған еді.
Алматыда бұрын боялған «Ожидание» муралы қалпына келтірілді, - деп хабарлайды Almaty-akshamy.kz
«Сейфуллин даңғылы, 565 мекенжайындағы үйдің қасбетін жөндеу жұмыстары аясында мердігер компания – «Орион» ЖШС 21-28 қазан аралығында үйдің қасбетінде «Ожидание» муралын қалпына келтіру жұмыстарын жүргізді. Жұмысты мурал авторларының қадағалауымен мердігер компания өз қаражаты есебінен жүргізді», - деді Алматы әкімінің баспасөз қызметі.
«Ожидание» муралы 2019 жылы MURAL FEST IV Халықаралық монументалды өнер фестивалі аясында жасалған. Туындының авторлары – суретшілер Сәуле Сүлейменова мен Қуаныш Базарғалиев.
Еске салайық, бұған дейін Алматы орталығындағы танымал муралдардың бірі өшірілгені белгілі болған еді.
