Алматыдағы хайуанаттар бағына жабайы үйректер келе бастаған
Бұл жер жабайы үйректер үшін қыстап шығатын мекен болып отыр.
Олар осы аумақтағы аққу-қаздармен бірге бір тоғанда орналасқан. Мамандардың айтуынша, қалада күн суытқалы бері шағын көлшіктерге мұз қатқан. Сол себепті үйректер зообақтағы айдынға келген. Ал орталықтың қызметкерлері оларды жеммен қоректендіріп жүр. Осыған байланысты құстарға беретін азық 3 есеге көбейген, деп хабарлайды Almaty-akshamy.kz.
«Қазіргі келіп жатқан құстардың шамасы 300-ден асады. Біздегі бұл су да қатпайды. Өйткені ағын бар. Сол үшін жағдай жасаймыз құстарға. Сол үшін басқа жақтағы құстар бізге келіп тұрады осылай», - дейді хайуанаттар бағының бөлім меңгерушісі Айжан Сыбанбекова.
.
