Алматыда өнеркәсіп орындарында 1,5 мыңға жуық жаңа жұмыс орны ашылады

Жалпы сомасы 1 628 млн теңгені құрайтын 4 жоба іске асты.

Бірінші жартыжылдықта Алматы индустриялық аймағының аумағында 245 жұмыс орны ашылып, 13,8 млрд. теңгеге 3 жоба іске қосылды, деп хабарлайды Almaty-akhamy.kz.

Жыл соңына дейін индустриялық аймақта 658 жұмыс орнын аша отырып ("Қаз-Диа-Тест", CityStone, "Әлем Тынысы", Asia Steel Pipe Corporation, "Электробар", Valtherm, Technokont), жалпы сомасы 37,8 млрд.теңгеге тағы 7 жобаны іске қосу жоспарланып жатыр. Сол жерде 3 өнеркәсіптік парк ("D&J Logistiсs" ЖШС, "Ala Estate" ЖШС, "Kazstory Trade" ЖШС) пайдалануға беріледі. ШОБ субъектілері үшін 24,2 мың ш.м өндірістік нысандар қолдануға беріледі, ол 430 адамды жұмыспен қамтуға мүмкіндік беріп отыр.

Қазақстан Республикасының Агроөнеркәсіптік кешенін дамытудың 2017-2021 жылдарға арналған мемлекеттік бағдарламасы аясында осы жылы Алматыда 138 жұмыс орнын ашылып, 1 628 млн.теңгеге 4 жоба іске асты. ("Цин-Каз" ЖШС, "Масло – Дел" ЖШС, "RG Brands Kazakhstan" ЖШС, "МПЗ Бижан" ЖШС). Анықтама: "Цин-Каз "ЖШС – де қосымша 60 жұмыс орны;" Масло - Дел "ЖШС - 35 жұмыс орны; RG Brands Kazakhstan "ЖШС - 40 жұмыс орны;" МПЗ Бижан " ЖШС-3 жұмыс орны ашылды.