Алматыда жылына 300 жеделсаты ауыстырылады
Алматы қаласы Тұрғын үй саясаты басқармасының басшысы Данияр Қырықбаев Алматыда 2020-2025 жылдарға арналған «Нұрлы жер» тұрғын үй-коммуналды даму мемлекеттік бағдарламасының орындалуы туралы айтты, деп хабарлайды almaty-akshamy.kz
Өңірлік коммуникациялар қызметінің баспасөз конференциясында спикер ағымдағы жылға жоспарланған 130 үйдің 58-інде жөндеу жұмыстары аяқталғанын, тағы 72 үйде жұмыстың жүріп жатқанын айтты.
Данияр Қырықбаев Алматыда 11 мыңнан астам жеделсаты жұмыс істеп тұрғанын, оның ішінде 5 681-і тұрғын үй қорында, 25 жылдан астам пайдалану мерзімі бар 1 005 екенін айтты.
«Биыл 124 үйдегі 273 жеделсатыны ауыстыру аяқталды. Жылына 300 жеделсаты ауыстыру мөлшерлемесімен, 2025 жылға қарай қызмет мерзімі өткен ескірген жедесатылардың негізгі бөлігі ауыстырылады», - деді Тұрғын үй саясат басқармасының басшысы.
Данияр Қырықбаев Алматыда басқарудың жаңа формаларына көшудің қалалық Жол картасы бекітілгенін атап өтті.
«Бүгінде 498 ОСИ тіркелді және 729 ПТ кондоминиум объектілерін басқарудың жаңа түрі ретінде таңдады. Қалада барлығы 1227 жаңа басқару формасы бар», - деді Данияр Қырықбаев.
Тұрғын үй саясаты басқармасының басшысы ведомстволарында аулалардың тазалығы мен абаттандырылуына ерекше көңіл бөлетінін қосып айтты. Мысалы, Алматыда 8 003 контейнер орнатылған 1454 алаң бар.
«Біз қала тұрғындарының қоқыс қалдықтарын жинау мен шығаруды 100% қамтамасыз еттік. Бұл қызметтерді қоқыс жинайтын 25 ұйым көрсетеді. 142 контейнерлік алаңға күрделі жөндеу жүргізілді», - деп нақтылады Данияр Қырықбаев.
Спикер қол қойылған меморандумдар аясында жеке инвесторлар қоқыс қалдықтарын бөлек жинауды орнатқан: қосалқы шикізатты жинауға арналған 900 торлы контейнерлер бар. Жыл соңына дейін барлық аумақты қамту жоспарлануда. Сондай-ақ, ақылы негізде қайталама шикізатты қабылдау үшін 32 пункт бар. Жыл соңына дейін тағы 4 ақылы пунктті ашу жоспарлануда.
Бұл ретте сапасыз жұмыс үшін 10 коммуналдық қызмет пен 11 қоқыс шығарушы ұйымға жалпы сомасы 1,5 млн теңге болатын айыппұл салынды.
Жалпы алғанда, бірінші жартыжылдықта абаттандыру Ережелерін бұзған заңды және жеке тұлғаларға жалпы сомасы 16,2 млн теңге болатын 1 109 хаттама толтырылды.
