Алматыда заңсыз жұмыс істеген майнингтік ферма анықталды
700-ден астам жабдық табылып, тәркіленді
Бұл туралы ҚР Қаржылық мониторингі агенттігі (ҚМА) мәлімдеді, деп хабарлайды Almaty-akshamy.kz.
«ҚМА-ның Алматы бойынша аумақтық департаменті қала прокуратурасымен бірлесіп, ҚР заңнамалық актілерінің нормаларына қайшы цифрлық майнинг қызметін жүзеге асырған Алматы индустриялық аймағының аумағында орналасқан майнингтік ферманы анықтады»,- делінген хабарламада.
Тергеу сотының санкциясымен тінту жүргізу барысында алты контейнерден майнингтік ферма табылды, онда сандық криптовалюта өндірісіне арналған шифрлаушы кешені бар 700-ден астам жабдық табылып, тәркіленді.
«Қазіргі уақытта тергеу шаралары жүргізіліп жатыр, сараптамалар тағайындалды»,-делінген хабарламада.
