Алматыда Ұлттық ұлан ән-би ансамблінің гала-концерті өтті

Бұл шараға халықаралық байқаулардың лауреаттары қатысты.

Алматы қаласындағы «Алатау» дәстүрлі өнер театрында ақпараттық-насихаттау тобының жұмысы аясында Ұлттық ұлан Ән-би ансамблінің әртістері гала-концерт өткізді, деп хабарлайды Almaty-akshamy.kz Egemen.kz сілтеме жасап.

Мерекелік концертте халықаралық байқаулардың лауреаттары мен басқа да таланттар ансамбль бастығы, аға лейтенант Алпамыс Асылбектің жетекшілігімен қазақстандық композиторлардың патриоттық тақырыптағы әндерін, соғыс жылдарындағы композицияларды, сондай-ақ халық шығармалары мен күйлерін орындады.

Аға лейтенант Алпамыс Асылбектің басшылығымен шығармашылық ұжымның музыканттары солистерге кәсіби түрде сүйемелдеді.

Концерт көрермендеріне Ұлттық ұлан Құрметті қарауыл ротасы жауынгерлерінің оркестрдің орындауындағы «Адай» әні мен «қару-жарақпен дефиле» көрсетілімі ұнады.

Сондай-ақ ұландықтардың «Домбыра аңызы», «Победная пляска», «Бозайғыр» атты әсерлі билері, патриоттық және ұрпақтар сабақтастығы рухына толы майдан және әскери әндер шырқалды.

Елордалық бригаданың мерзімді қызмет әскери қызметшілері Ұлттық ұлан туралы жазған авторлық ән көрермендердің көзайымына айналды.

Гала-концерт барлық қатысушылар мен ансамбль ұжымының орындауында Ұлттық ұланның «Елдің қорғаны» әнұранын орындау дәстүрімен аяқталды.

Концерт ұйымдастырушылары театр фойесінде Ұлттық ұлан әскерінің қызметіне арналған фото-бейне және баспа өнімдерін де көрсетті.

Шара соңында Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары, Халық қаһарманы, полковник Қайрат Үмбетов Алматы қаласының әкіміне өзара іс-қимыл және үлкен концерт залында өнер көрсету мүмкіндігі үшін алғыс айтып, «Құқық тәртібі әскерлеріне 30 жыл» мерейтойлық төсбелгісін табыс етті.

Шаһардың қоғамдық даму басқармасының бастығы Айдар Есенбеков Алматы қаласы әкімінің атынан әскери ансамбльге алғысын білдіріп, естелік сыйлықтар мен алғыс хаттарды табыс етті.