Алматыда сүт пен нан өндірушілерге жеңілдетілген несие беріледі

Алматыда сүт пен нан өндірушілерге жеңілдетілген несие беріледі
Сурет: 7ya.ru

Бағаларды белгілеу үшін 11 млрд теңге бөлінген.

Әлеуметтік маңызы бар азық-түлік тауарларының бағасын тұрақтандыру үшін Алматыда әлеуметтік нанның, сүт өнімдерінің және күнбағыс майының ірі өндірушілеріне қарыз бөлу мәселесі пысықталуда. Бұл мәселе Премьер-Министрдің орынбасары - Сауда және интеграция министрі Бақыт Сұлтановтың қатысуымен Алматы әкімдігінде өткен кеңес барысында қаралды, деп хабарлайды Almaty-akshamy.kz Eldala.kz сілтеме жасап.

«Айналым» қарыздары аясында ӘМАТ бағасын тұрақтандыру үшін жергілікті бюджеттен көкөніс, ет өнімдері, жұмыртқа және бакалея бағаларын белгілеу үшін 11 млрд теңге бөлінгені атап өтілді.

Сонымен қатар, қала әкімдігінде Премьер-Министрдің орынбасарына баяндалғандай, қазіргі уақытта жеңілдетілген қаржыландыру және уақытша сақтау қоймаларын салу үшін қала шегінде жер телімдерін бөлу арқылы шағын хабтар құру мүмкіндігі қарастырылуда. Бұл үй жанындағы дүкендердің алыпсатарларға тәуелділігін төмендетуге, шағын сауда нүктелерінің иелерін ірі көтерме сауда базарларында өз бетінше сатып алу қажеттігінен құтқаруға мүмкіндік береді. Бұл, жалпы алғанда, шағын ішкі дүкендердегі баға деңгейіне оң әсер етуі керек.

Сауда комитетіне бағаларды мониторингілеу және талдау бойынша жұмысты жалғастыруды, ӘМАТ-қа бағаларды тұрақтандыру шеңберінде «айналым схемасын» ұлғайту бойынша шаралар қабылдауды, азық-түлік тауарларының барлық баға белгілеу тізбегі бойынша делдалдық схемаларды тексеру жөніндегі өңірлік комиссиялардың қызметін жандандыруды тапсырды.