Алматыда медицина қызметкерлері де, төсек орын да жеткілікті
Қаламыздың «қызыл» аймаққа өтуіне байланысты медициналық мекемелердің дайындығы қандай?
Бұл сұраққа Алматы қаласы қоғамдық денсаулық басқармасының басшысы Нариман Табынбаев жауап берді.
Басқарма басшысының айтуынша, Алматыда науқастарға арналған 1730 төсек-орын, 2300 медициналық қызметкер бар.
«3-4 түрлі сценарий бойынша дайындық жасалды. Ауру саны 400-ден асса, медициналық қызметкерді тағы да көбейтеміз. Ал егер науқастар саны 800-ден асса, медициналық қызметкердің санын 6 мыңға жеткіземіз, 7 мың төсек орын болады», - деді Нариман Табынбаев.