Алматыда көлік ұрылары ұсталды
Ұсталғандар ұрлық пен тонау жасағаны үшін үш рет сотты болған.
Жаңа жыл қарсаңында олар Алматы қаласы Медеу ауданының тұрғынына тиесілі Toyota Camry 70 көлігін ұрлап кеткен, деп хабарлайды Almaty-akshamy.kz Polisia.kz-ке сілтеме жасап.
«Біздің бөлімше мен арнайы жасақ қызметкерлері Алматыда, сондай-ақ Шығыс Қазақстанда арнайы іс-шараны жүргізді. Риддер қаласында негізгі айыпталушы – 42 жастағы Е.есімді азамат және оның сыбайластарының бірі ұсталды. Ал тағы екі күдікті Алматыда қолға түсті. Қаскөйлердің ұрланған көлікті Өскеменде жасырғандығы анықталды. Біздің мәлімет бойынша, олар қолайлы сәтті күтіп, көлікті сол жерде сатқысы келген. Қылмыстық іс ҚР ҚК-нің 188-бабы 4-бөлігі бойынша тергеліп жатыр», – деді Медеу аудандық полиция басқармасының бастығы Ілияс Өмірсеріков.
