Алматыда қаза тапқан полицейлерге мемориалды ескерткіш қойылды
Алматыда қоғам қауіпсіздігі үшін күресте қаза тапқан полиция қызметкерлерінің құрметіне мемориалды ескерткіш ашылды.
Мақан Есболатов атындағы Алматы академиясында ашылған ескерткіш тақтаға 32 тәртіп сақшысының аты-жөні жазылған. Шараға ерлікпен қаза болған азаматтардың ата-аналары мен жақын-туыстары қатысты, деп хабарлайды Almaty-akshamy.kz
- Бейбіт заманда көз жұмған, қоғамдық қауіпсіздік үшін жандарын қиған батырларымыздың ерлігі еш ұмытылмайды, - дейді ардагерлер.
"Бүгін бір жай кезең емес, керемет күнде тұрмыз. Балапандарымызға мемориалды тақтаны қойдық. Тас қойғанмен бірдей деп ойлаймын. Екінші құлпытас ғой олар үшін. Естен кетпейді", - дейді ҚР ІІМ Еңбек сіңірген қызметкері, генерал-майор Талап Қабденұлы.