Алматыда қаржы пирамидасынан зардап шеккендерге 123 миллион теңге қайтарылды

Алматыда қаржы пирамидасынан зардап шеккендерге 123 миллион теңге қайтарылды
Сурет: Sputnik.kz

Қаржы пирамидасын ұйымдастырушы 6 жыл 8 айға бас бостандығынан айырылды.

Қаржы мониторингі агенттігінің баспасөз қызметінің мәліметінше, B2B Jewelry қаржылық пирамидасының 197 салымшысына 123 миллион теңге қайтарылды, - деп хабарлайды Almaty-akshamy.kz

Агенттіктің Алматы қаласы бойынша департаменті B2B Jewelry зергерлік дүкендер желісінің атын жамылған қаржы пирамидасының қызметін ұйымдастыруға қатысты соталды тергеуін аяқтаған.

Сот үкімі бойынша, қаржы пирамидасын ұйымдастырушы кінәлі деп танылып, ол 5 жыл мерзімге қаржылық қызметпен айналысу құқығынан айырумен 6 жыл 8 айға бас бостандығынан айырылды.

Ведомство мәліметінше, қылмыстың қалған сыбайластарына қатысты соталды іс жүргізу аяқталуға жақын.