Алматыда бір тәулікте 10 мыңнан астам адам екпе алды
Шаһарда бір тәулікте 10 725 адам коронавирусқа қарсы вакцина салдырды
Бұл туралы қалалық қоғамдық денсаулық сақтау басқармасы мәлім етті, деп хабарлайды Almaty-akshamy.kz ҚазАқпарат сайтына сілтеме жасап.
«6 қыркүйек күні 10 725 алматылық вакцина салдырды. Коронавирусқа қарсы екпенің І компонентін 4 679 , II компонентін 6 046 адам алды. Вакцина салдырғандар саны бойынша Алматы қаласы алдыңғы орында. Биылғы жылдың 1 ақпаны мен 6 қыркүйек аралығында қалада 890 884 тұрғын вакцинаның бірінші компонентін, 775 636 адам екінші компонентін салдырған. Олардың ішінде 114 236 адамның жасы 60-тан асқан»,- деп хабарлады басқармадан.
Қалада 160 пункт жұмыс істеп тұр. 1 028 адамнан тұратын 237 егу бригадасы бар. Сонымен қатар, 40 көшпелі мобильді бригада ұйымдастырылған.
«Қазір медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді» - деп нақтылады денсаулық сақтау басқармасының баспасөз қызметі.
