Алматыда «Белсенді ұзақ өмір сүру орталығының» тағы бір филиалы ашылды
Бір қатар емханаларға жөндеу жұмыстарын жүргізіледі.
Алматы әкімі Ерболат Досаев Алмалы ауданында әлеуметтік инфрақұрылыммен қамтамасыз ету мақсатында жасалып жатқан жұмыстар жайында айтты, деп хабарлайды Almaty-akshamy.kz.
Егде жастағы азаматтардың өмір сүру сапасын жақсарту және әлеуетін іске асыру мақсатында қазан айында Мәуленов көшесі, 46а мекенжайында «Белсенді ұзақ өмір сүру орталығының» тағы 1 филиалы ашылды.
«Амангелді көшесіндегі Ұлы Отан соғысы ардагерлерінің қалалық емханасының ғимаратын күрделі жөндеуге жобалау-сметалық құжаттама әзірленуде. Жоба 2023 жылдың II-ші тоқсанында дайын болады (сараптама 2023 жылдың 2-ші тоқсанында шығады)», - деді қала әкімі.
Сондай-ақ, ескі ғимаратты бұза отырып, Әйтеке би көшесіндегі ревматологиялық орталықтың орнына 500 келушіге арналған жаңа емхананың жобалау-сметалық құжаттамасын әзірлеу басталды. Жобалау-сметалық құжаттама 2023 жылдың IV-ші тоқсанында дайын болып, құрылысы 2024 жылдың көктемінде басталады.
