Алматыда бас сүйегі-ми жарақатын алған адамға ота жасалды
Операция пациентке толыққанды өмірді жалғастыруға мүмкіндік берді
Алматылық дәрігерлер пациентті бас сүйегі-ми жарақатының сирек асқынуынан құтқарды, деп хабарлайды Almaty-akshamy.kz.
Алматы қаласының 43 жастағы тұрғыны бұрын төбелестің салдарынан басынан ауыр жарақат алған. Ауруханадан шыққаннан кейін онда жағымсыз белгілер байқала бастады. Сол жақ көзінің көруі нашарлады, пациент сол жақ көз алмасының шығып, қызарғанын байқай бастады, ал сол жақ құлақғында тұрақты пульсациялық шу пайда болды. Ер адамның бетіне қарау қорқынышты болды. Жоғарыда сипатталған белгілерге параорбиталдық ісіну және сол жақ көз алмасының ұясынан айқын шығуы қосылды.
Ауырсыну төзімсіз болғандықтан пациент қалалық жедел жәрдем ауруханасына (ҚЖЖА) барды, онда мидың МРТ/МРА-да сол жақта каротид-кавернозды соусты (ККС) анықтады.
ККС-бұл жүре пайда болған интракраниалдық тамырлы аномалия. Жарақаттан кейінгі ККС - бұл бас сүйек-ми жарақаттарынан (БМЖ) пайда болатын сирек кездесетін ауру.
ККС көру қабілетінің айыратын және тұрақты бас ауруларына әкелетін ауру. Егер жүре пайда болған тамырлы аномалия (ККС) операция арқылы емделмесе, 90 пайызында бұл мүгедектікке әкеледі, көру ағзасының функциясынан толық айырылуға әкелуі мүмкін.
Қазіргі уақытта ККС үшін ең тиімді және қауіпсіз емдеу эндоваскулярлық емдеу болып табылады. Артериялық қабырғаны микро спиралдардың көмегімен қалпына келтіру әдісі жиі қолданылады.
Осылайша, пациентке ҚЖЖА нейрохирургиялық бөлімшесі жағдайында операция жасалды: каротид-кавернозды соусты баллондық ассистенцияны қолдана отырып, сол жақта микроспиралдармен реконструктивті эмболизациялау.
Екі сағаттық операцияны нейрохирургтер Е.Жуков, М. Арғымбаев, анестезиолог Р. Қасенов, операциялық мейіргер Э. Аюповадан тұратын дәрігерлер тобы жүргізді.
"Емдеуде Көз аурулары ҒЗИ офтальмологы И. Расулов маңызды рөл атқарды. Бірлескен күш-жігердің арқасында пациенттің көзін сақтап, ауырсынуды жоюға мүмкіндік туды. Операциядан кейін пациенттің көру және окуломоторлық функциялары ішінара қалпына келді, қас пен құлақ аймағындағы шу, экзофтальм, яғни көзі қалпына келді, ең бастысы, төзгісіз ауырсыну басылды. Операция пациентке толыққанды өмірді жалғастыруға мүмкіндік берді", - деп атап өтті ҚЖЖА нейрохирург Максим Арғымбаев.
