Алматыда «Әйелдерге қатысты зорлық-зомбылықсыз 16 күн» республикалық акциясы өтуде

Алматыда «Әйелдерге қатысты зорлық-зомбылықсыз 16 күн» республикалық акциясы өтуде
Сурет: Egemen.kz

Әйелдерге қатысты кемсітушіліктің барлық нысандарын жою туралы конвенцияның ережелеріне сәйкес, Әйелдерге қатысты зорлық-зомбылықты жоюдың халықаралық күні жыл сайын 25 қарашада атап өтіледі.

Осыған байланысты, 2022 жылғы 25 қараша мен 10 желтоқсан аралығында Алматы қаласының аумағында «Әйелдерге қатысты зорлық-зомбылықсыз 16 күн» республикалық акциясы өтуде, деп хабарлайды Almaty-akshamy.kz.

Шара тұрмыстық зорлық-зомбылықтың алдын алу және оған қарсы тұру, полицияға деген сенім деңгейін арттыру, отбасының қоғамдағы рөлін нығайту мақсатында өткізілуде.

Іс-шараның негізгі мақсаты – әйелдерге қатысты зорлық-зомбылықтың алдын алу және ескерту, ана мен баланы қорғау, отбасының қоғамдағы рөлін нығайту бағытында атқарылып жатқан шаралармен жалпы халықты таныстыру.

Шара аясында тұрғындар арасында түсіндіру жұмыстарын жүргізу, ішкі істер департаментінде есепте тұрған тұлғаларды тұрғылықты жері бойынша тексеру, отбасы-тұрмыстық қатынастар саласында құқықбұзушылық жасаған тұлғаларды анықтау және есепке алу жоспарлануда, алкогольдік ішімдіктерді теріс пайдалану, сондай-ақ олардың күнделікті өмір саласындағы қылмыстар тарапынан алдын алу.

Бұл акция осы іс-шараға мүдделі мемлекеттік органдардың, үкіметтік емес ұйымдардың, жұртшылықтың және бұқаралық ақпарат құралдарының өкілдерін тарту арқылы жүзеге асырылады.

 Сондай-ақ іс-шараға құқықтық кеңес және психологиялық көмек көрсететін сенім телефондары жұмыс істейтін Алматы қаласының дағдарыс орталықтары қатысуда.

 Егер сіз тұрмыстық зорлық-зомбылық фактілері туралы хабардар болсаңыз немесе сіз осындай зорлық-зомбылықтың құрбаны болсаңыз, бұл туралы үнсіз қалмағаныңыз жөн! Полицияға «102» немесе мына телефондар бойынша хабарласу қажет:

ПД Алматы - 254-45-99

Алмалы ауданының ПБ 254-46-09,

Алатау ауданының ПБ 227-55-54,

Әуезов ауданының ПБ 298-53-33,

Бостандық ауданының ПБ 254-47-26,

Жетісу ауданының ПБ 254-49-43,

Медеу ауданының ПБ 254-48-66,

Түрксіб ауданының ПБ 298-54-25,

Наурызбай ауданының ПБ 254-49-48

Дағдарыс орталықтарының телефондары:

ҚҚ «Родник» – 396-19-38;

КММ «Жан-Сая» – «150» (анонимді, тәулік бойы) немесе 87714503450;8-727-243-22-21

ҚҚ «Аналар үйі» -87473114109;87473114051;87473114067