Алматыда 307 екпе бригадасы жұмыс істейді

Алматыда 307 екпе бригадасы жұмыс істейді
almaty-akshamy.kz

Алматының Индустриалды аймағындағы зауыттарда жұмысшыларға вакцинаны мобильді бригадалар салды

Алматының бас санитарлық дәрігері Жандарбек Бекшиннің айтуынша, мегаполистің "қызыл" аймаққа өтуі коронавирустың, оның ішінде жаңа "дельта" штамының өсуіне байланысты. КВИ-ді жұқтырмаудың жалғыз жолы - екпе алу. Жақында құрғақ құрылыс қоспаларына арналған қағаз  шығаратын "Алмапақ" зауытының барлық жұмысшылары  екпе алды және шектеулерге қарамастан толыққанды жұмыс істеуде.

Алматының  Индустриалды аймағына орналасқан кәсіпорындардың шақыруымен мобильді екпе бригадалары осындағы жұмысшыларды вакциналады. 

"Алмапақ" ЖШС-де вакцина салдыруға  30 адам жазылды, олардың  барлығы - зауыттың жұмысшылары. Олар  вакцинаның екі компонентін алды, өздерін жақсы сезінеді, жанама әсерлерді сезінген жоқ. 

"Біз Еуропадан алдырған сапалы қағазды пайдаланып сөмке шығарамыз. Өндірісті тоқтатуға болмайды, өйткені біздің өнім  Өзбекстан мен Қырғызстанға да қажет. Сонымен қатар біздің барлық қызметкерлеріміздің отбасы бар, сондықтан олар вакцинаға саналы түрде келді. Бұл - алдымен денсаулықты сақтау. Мен сәуір айында вакцина алдым, кейінірек жұмысшыларға ұсындым. "Дархан" шағын ауданындағы емханаға өтінім беріп, медициналық бригада келіп, жігіттерге екпе салды", – деді Айдар Қасенов. 

"Алмапақ" - Алматы индустриалды аймағындағы жұмысшылар бригадасы вакцина алған алғашқы өнеркәсіптік кәсіпорын емес. Сәуір айында "Алматы электр қалқаны", "Хюндай Транс", "КСМ Техновид" пен "Масло-дел "зауыттары ұжымдарының жаппай вакцинасы өтті. 

Еске салсақ, 29 маусымдағы жағдай бойынша Алматыда 438 930 адам вакцина алды.  Өткен тәулікте 10 398 адам екпе алды. 60 жастан жоғары вакцина алған адам саны 74 656 адамды құрайды. 

Қалада медициналық ұйымдарда, мектептерде, мәдениет, спорт нысандарында, базар мен қаланың СОСО-да 208 вакцина пункттері жұмыс істейді (250-ге дейін ұлғайту мүмкіндігімен). 1 256 адам жұмылдырылған 307 екпе бригадасы қызмет атқарады.