Алматыда 14-15 қазан күндері Қазақстан қолөнершілерінің жәрмеңкесі өтеді
14-15 қазан күндері сағат 10:00-ден 17:00-ге дейін Ә. Қастеев атындағы өнер музейінде және Visit Almaty туристік хабта Халықаралық қолөнершілер форумы аясында Қазақстан қолөнершілерінің жәрмеңкесі өтеді.
Жәрмеңкеде Қазақстанның 150-ден астам қолөнершілерінің, керамика, киіз, тоқыма, зергерлік өнер, жібек шаруашылығы және басқа да қолөнер түрлерінің өнімдері ұсынылады. Сондай-ақ, форум аясында бұйымдар көрмесі, шеберлік сыныптары, семинарлар, Korpe Fest өтеді, деп хабарлайды Almaty-akshamy.kz.
Қолөнер ұлттық мәдениеттің және туризм индустриясының ажырамас құрамдас бөлігі болып табылады. Қазақстанға келетін туристер табиғатты ғана емес, қаламыздың көрікті жерлерін, ғимараттарды және монументтерді тамашалап, материалдық-мәдени мұрамен, дәстүрлермен танысатын болады.
Өтетін орны: Алматы қаласы, Ә. Қастеев атындағы Мемлекеттік өнер музейі, "Көктем-3" шағынауданы, 22/1 үй, Visit Almaty туристік хабы, Абай даңғылы, 44.
