Алматы құтқарушылары хабарсыз кеткен азаматшаны тапты

Оның жағдайы ауыр, зардап шегушіні тасымалдау және ауруханаға жатқызу қажет.

Шаһар құтқарушылары хабарсыз кеткен Әлия Камиева тапты, деп хабарлайды Almaty-akshamy.kz.

« 8 шілде күні сағат 10 сағат 56 минутта Алматы қаласы ТЖ департаментіне РЖҚЖ-дан БАО аумағында хабарсыз кеткен Әлия Камиева табылғаны туралы ақпарат келіп түсті. Оның жағдайы ауыр деп бағаланады, зардап шегушіні тасымалдау және ауруханаға жатқызу қажет», – делінген Алматы қаласының Төтенше жағдайлар департаментінің баспасөз қызметінің хабарында.

Ресмит дерек бойынша, департамент ҚР ТЖМ «Қазавиақұтқару» тікұшағының ұшуын ұйымдастырды.

Естеріңізге сала кетсек, 7 шілдеден бері құтқарушылар  іздестіру-құтқару жұмыстарын жүргізіп,  максималды күштер мен құралдарын жұмсаған болатын. Бұл жұмысты республикалық жедел-құтқару жасағының қызметкерлері, екі кинологиялық есеп, « 109» құтқару қызметі, 75 волонтер жүргізді.

Бүдан бұрын хабарлағандай, 7 шілде күні Алматы құтқарушыларына  хабарсыз кеткен азаматшаның  анасы телефон шалып, өтініш білдірген болатын.