Алматы қаласында бір тәулікте 9 839 адам екпе алды
Осы кезге дейін 558 104 қала тұрғыны вакцина салдырған.
Бұл туралы ақпарат таратқан қалалық қоғамдық денсаулық сақтау басқармасының мәліметінше, екпе салдырғандардың ішінде 88 824 адамның жасы 60-тан асқан, деп хабарлайды Almaty-akshamy.kz
«8 шілде күні 9 839 алматылық вакцина салдырды. Биылғы жылдың 1 ақпаны мен 8 шілде аралығында қалада барлығы 558 104 адам вакцина салдырды. Вакцина алғандардың арасында 60 жастан асқан қарт кісілер - 88 824»,- деп хабарлады басқармадан.
Қалада 212 егу пункті жұмыс істеп тұр. 1 260 адамнан тұратын 308 егу бригадасы бар. Сонымен қатар, 40 көшпелі мобильді бригада ұйымдастырылды.
«Қазіргі медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді», - деп нақтылады денсаулық сақтау басқармасының баспасөз қызметі.