Алматы тауларында жоғалып кеткен турист іздестіріліп жатыр
Оқиға орнына құтқарушылар экипажы шыққан.
28 жастағы ер адам 17 шілдеде демалысқа шыққан, содан бері жақындары одан хабар ала алмай отыр, деп хабарлайды Almaty-akshamy.kz Inbusiness.kz сілтеме жасап.
«Сағат 23: 35-те Азамат Бөкеев есімді азамат ағасы Данияр 17 шілдеде кешке Көк Жайлау – Үш ағайынды бағыты бойынша тауға шығып, осы уақытқа дейін оралмағаны туралы хабарлады», - деп мәлімдейді Алматы құтқару қызметі.
23: 50-де оқиға орнына Үлкен Алматы көлінің бақылау-құтқару пунктінен құтқарушылар экипажы шыққан. Іздестіру әлі жүргізіліп жатыр.
