Алматы Мемлекеттік қуыршақ театры халықаралық фестивальде жүлдеге ие болды
Театр «Мен бір жұмбақ адаммын. Абай» спекталімен қатысты.
Алматы Мемлекеттік қуыршақ театры Көкшетау қаласында өткен ІІІ Халықаралық TeART-Көкше фестиваліне қатысып, жүлдеге ие болғандарын мәлімдеді, деп хабарлайды Almaty-akshamy.kz.
Аталған театр «Мен бір жұмбақ адаммын. Абай» спекталімен қатысып, «Ең үздік режиссура» номинациясы бойынша жүлделі дипломға ие болды.
Сондай-ақ, театр ұжымы Татарстан Республикасында өтетін театр фестиаліне шақырту алды.
«Режиссер Антон Зайцевті және барша театр ұжымын өнер додасындағы жетістігімен құттықтаймыз! Фестиваль ұйымдастырушыларына алғыс білдіреміз!»,-делінген хабарламада.
