Коронавирус: Алматы халқының иммундық қабаты 42% -ды құрады

Қаладағы КВИ бойынша эпидемиологиялық жағдай күрделі. 

Алматы қаласындағы КВИ бойынша эпидемиологиялық жағдай қауырт, эпидемиологиялық жағдайды бағалау матрицасында қала қызыл аймақта болуын жалғастыруда, деп хабарлайды Almaty-akshamy.kz.

Бұл туралы Алматы қаласы Өңірлік коммуникациялар қызметінің алаңында  өткен онлайн брифингте Алматы қаласының санитариялық-эпидемиологиялық бақылау департаментінің басшысы, қаланың бас мемлекеттік санитар дәрігері Жандарбек Бекшин айтты.
 
Бас санитардың айтуынша, тамыз айының 27-не дейін КВИ-дің 39,2 мыңнан астам жағдайы тіркелген, бұл жыл басынан бері 121,2 мың жағдайдың 32%-ын құрайды. 

«23 тамыздан бастап КВИ-дің тәуліктік өсімі 1,1% (пайыз) деңгейінде қалып отыр, бұл қоғамдағы науқастардан инфекцияның әлі де жоғары берілуін көрсетеді-R саны (жұқтыру индексі) 1,02 құрайды (1 науқастан 1 қарым қатынаста болған адамға жұқтырады). «Симптомдық» науқастардың үлес салмағының артуы жалғасуда - соңғы аптада алдыңғымен салыстырғанда 94,2%-дан 95%-ға дейін өсті», - дейді Бекшин.

Жиын барысында ол Алматы қаласы халқының иммундық қабаты 42%-ды құрағанын жеткізді.