Алексей Чуркин ауыр атлетикадан жастар арасындағы әлем чемпионында күміс медаль алды
Чемпионат Грекияда өтіп жатыр.
Грекияның Ираклион қаласында өтіп жатқан ауыр атлетикадан жастар арасындағы әлем чемпионында Алексей Чуркин күміс медаль жеңіп алды, деп хабарлайды Almaty-akshamy.kz Olympic.kz сілтеме жасап.
73 келіге дейінгі салмақта бақ сынайтын Алексей 329 (146+183) келіні ырқына көндірді.
Бұл салмақта индонезиялық Жулиансиах Ризхи топ жарса, америкалық Риан Енри үшінші орын алды.
Сондай-ақ осы салмақта тағы бір отандасымыз Пётр Хребтов сынға түсті. Ол 307 (137+170) келі көрсеткішімен 5-орынға жайғасты.
