Александр Бублик Флоренциядағы турнирдің ширек финалына шықты
Ширек финалда америкалық әріптесімен кездеседі.
Қазақстандық теннисші, әлемнің 43-ракеткасы Александр Бублик Флоренцияда (Италия) өтіп жатқан ATP 250 турнирдің екінші айналымында франциялық Корентин Моутені (69-орын ATP) жеңді, деп хабарлайды Almaty-akshamy.kz.
1 сағат 26 минутқа созылған кездесу 7:5, 6:4 есебімен аяқталды. Ширек финалда Александр америкалық Джон Вольфпен кездеседі.
Еске салсақ, Қазақстанның бірінші ракеткасы Александр Бублик бірінші айналымдағы кездесуде Чили өкілі Кристиан Гаринді 7-5, 6-2 есебімен ұтқан еді.
